বৃহস্পতিবাৰে (৯ মে’) ৰাছিয়াত উদযাপন কৰা হয় ৭৯ সংখ্যক বিজয় দিৱস। আজিৰ দিনটোতে দ্বিতীয় বিশ্বযুদ্ধত ছোভিয়েট ইউনিয়নে নাজী জাৰ্মানীক পৰাস্ত কৰে। ক্ৰেমলিনৰ পৰা ৰেড স্কোৱাৰত উপস্থিত হয় পুটিন, য’ত পেৰেড অনুষ্ঠিত হয়। জাতিটোক সম্বোধন কৰি পুটিনে কয় যে ৰাছিয়াই বিশ্বত চলি থকা যুদ্ধক প্ৰচাৰ কৰিব নিবিচাৰে, কিন্তু আমাক কোনেও ভাবুকি দিব নোৱাৰে। তেওঁ পশ্চিমীয়া দেশসমূহক সকীয়াই দি কয় যে ৰাছিয়াৰ সেনা সকলো সময়তে যুদ্ধৰ বাবে সাজু।

বিজয় দিৱসৰ পেৰেডত ৯ হাজাৰৰো অধিক জোৱানে অংশগ্ৰহণ কৰে। ইউক্ৰেইনত যুদ্ধ কৰা সৈন্যসকলেও ইয়াত অংশগ্ৰহণ কৰিছিল। পেৰেডত দেখা গ’ল ৭০ৰো অধিক টেংক আৰু সাজসজ্জিত বাহন। ইয়াৰ ভিতৰত আছিল দ্বিতীয় বিশ্বযুদ্ধত ব্যৱহৃত টি-৩৪ টেংকৰ লগতে ইস্কাণ্ডাৰ-এম বেলিষ্টিক মিছাইল, এছ-৪০০ এয়াৰ এয়াৰ ডিফেন্স চিষ্টেম আৰু ইয়াৰছ ইন্টাৰকন্টিনেণ্টেল বেলিষ্টিক মিছাইল।

যোৱা বছৰ বেয়া বতৰৰ বাবে ফ্লাইবাই বাতিল কৰা হৈছিল। ইউক্ৰেইনৰ সৈতে হোৱা যুদ্ধত ৰাছিয়াই কঠোৰ প্ৰতিযোগিতাৰ সন্মুখীন হোৱাৰ সময়ত এই পেৰেড অনুষ্ঠিত হৈছে। আমেৰিকাৰ প্ৰতিৰক্ষা বিভাগৰ তথ্য অনুসৰি এই যুদ্ধত এতিয়ালৈকে ১ লাখ ৰাছিয়ান জোৱান নিহত হৈছে।